ថ្ងៃទី២១ ខែកុម្ភៈ ឆ្នាំ២០២៥ នៅនាយកដ្ឋានសុខភាពផ្លូវចិត្ត និងការបំពានគ្រឿងញៀន នៃក្រសួងសុខាភិបាល មានកិច្ចប្រជុំក្រុមការងារបច្ចេកទេស ដើម្បីពិភាក្សារៀបចំ គោលការណ៍ណែនាំសម្រាប់ការផ្តល់ប្រឹក្សាផ្លូវចិត្តតាមប្រព័ន្ធទូរស័ព្ទឆ្លើយតបបន្ទាន់(Guidelines for Hotline Counseling) ដែលមានការចូលរួមពី ក្រុមការងារបច្ចេកទេស របស់នាយកដ្ឋានសុខភាពផ្លូវចិត្តនិងការបំពានគ្រឿងញៀន មជ្ឈមណ្ឌលថែទាំនិងស្រាវជ្រាវការប៉ះទង្គិចផ្លូវចិត្ត (CTRO) និងអង្គការសុខភាពពិភពលោកប្រចាំកម្ពុជា(WHO)។ កិច្ចប្រជុំ នេះបានប្រព្រឹត្តទៅក្រោមអធិបតីភាពរបស់លោកវេជ្ជបណ្ឌិត ឈិត សុផល ប្រធាននាយកដ្ឋាន សុខភាពផ្លូវចិត្តនិងការបំពានគ្រឿងញៀន និងទទួលបានការគាំទ្រថវិកាពីអង្គការសុខភាពពិភពលោកប្រចាំកម្ពុជា (WHO-Cambodia)។
